Wainhira rona laloran tasi no
anin furak iha fatin turismo rai henek mutin Kristu-Rei,
anin tasi ne’ebe huu neneik, halo turista local no
rai liur baruk atu fila ba uma wainhira vizita fatin nee. Maski loron manas too
loron matan atu besik haksubar an iha rohan Oeste,
oras mehi nian komesa mai atu habosok ema nia matan,
sira sei gosta nafatin rai-henek mutin nia furak no halo sira la book an atu husik fatin
nee. Laloran tasi ne’ebe baku ba mai halo sira sente katak, mundu ne’e mak rai-henek mutin deit.
Aleim hanesan fatin turizmu,
rai-henek mutin Kristu-Rei mos sai hanesan fatin hodi kasu kolen ba ema ne’ebe hala’o atividade durante loron tomak
ka semana ida nia laran.
Foto:EsterEstatua Kristu-Rei nu'udar Estatua Segundu Lugar iha Mundo hafoin Brasil. IIha fatin ne'e mos turista Lokal no Internasional sira sempre ba vizita. Liuliu iha loron feriadu ka Fim-de -Semana. Fatin laletek oan ne'e hakmatek tebes wainhira hakarak refreshing. Ita bele simu anin foun husi laloran tasi ne'ebe furak tebes.
Wainhira ita temi Areia Branca (Metiaut) ema ida sei la lao liu deit, nia sei para iha fatin hodi deskansa hola anin tasi nia malirin hodi tur. Meti Aut fatin ne'ebe mak maioria nakonu ho turista estranjeiru sira, tanba fatin ne'e matak no malirin ho ai-tasi ne'ebe nakonu iha tasi no rai-henek mutin no tasi ne'ebe ho kor azul.
fatin ida ne'ebe mak atrai ema barak iha tempu dader no loraik . Estatua Joan Paulo nia diresaun iha Tasi Tolu nia sorin diresaun Likisa. fatin ida ne'ebe turizmo ida ne'ebe presiza dezenvolve diak liu tan
Tidak ada komentar:
Posting Komentar